Lüks avtomobil idxalında qanun pozuntusu! - 530 milyonluq vasitələr müsadirə edildi

Türkiyənin Ticarət Nazirliyi saxta faktura ilə 530 milyon lirə dəyərində 358 lüks avtomobilin idxalının aşkar edilərək prokurorluğa sövq edildiyini açıqlayıb.

BAKU.WS bu barədə "Haber Global"a istinadən xəbər verir.

Nazirlikdən verilən məlumata görə, bazarda haqsız kommersiya üstünlüyü əldə etmək məqsədilə gömrük rüsumlarını qismən və ya tamamilə ödəmədən saxta sənədlərlə əməliyyatlar həyata keçirən şirkətlərə qarşı Ticarət Nazirliyi tərəfindən aparılan araşdırmalar davam edir.

Bu çərçivədə nazirlik müfəttişləri tərəfindən aparılan yoxlamalar zamanı müxtəlif marka/modellərin idxalında az dəyərli saxta, ikiqat qaimə-faktura və saxta dövriyyə sənədlərindən istifadə edilməklə 358 ədəd dəbdəbəli avtomobilin qaçaqmalçılıq yolu ilə ölkə ərazisinə gətirildiyi müəyyən edilib.

İstintaq aktlarında qeyd olunan əməliyyat və hərəkətləri həyata keçirən şirkət və şəxslər barəsində prokurorluqda cinayət işi qaldırılıb, nəqliyyat vasitələrinə həbs qoyularaq müsadirə edilib.

Bundan əlavə, bu əməliyyatlardan yaranan təqribən 530 milyon lirəlik dövlət itkisi müvafiq şirkətlərdən toplanıb.