Konsertdə FACİƏ - Gənc qız iflic oldu - FOTO

Avstraliyalı musiqi qrupu "Trophy Eyes"un konsertində bədbəxt hadisə yaşanıb.

BAKU.WS xarici KİV-ə istinadən xəbər verir ki, konsert zamanı qrupun solisti Con Floreani musiqisevərlərin üstünə atılıb. Həmin vaxt orada olan Bird Piché adlı gənc qız zərbədən iflic olub.

Qrup bu barədə açıqlama verərək xəsarət alan fanata hər zaman maddi və mənəvi dəstək olacaqlarını bildiriblər.

Bird Piché "NBC News"a müsahibəsində həmin vaxt başına gələnləri danışıb. O "Konsertdən sonra xəstəxanaya aparılacağım ağlıma belə gəlməzdi" deyib.

"Konsertlərdə bu cür hallar olanda çox ciddi məsələ kimi qəbul olunur. O səbəbdən sağalacağıma inanmırdım. Bu cür şoularda bu rastlanan haldır. Məni artıq həyatda nəyin gözlədiyini bilmirdim. Konsertdən sonra xəstəxanaya aparılacağım ağlıma belə gəlməzdi. Qarşıda uzun həyat yolum var. Həyata daha pozitiv yanaşmağa çalışıram. Hazırda barmaqlarım hərəkət etmir. Həkimlər tamamilə sağalacağımı bildirirlər, lakin hələ ki, bir irəliləyiş yoxdur".