“Heydər Əliyevin hakimiyyətə gəlişi Azərbaycan tarixində böyük dönüşdür” – Ülvi Mehdiyev

Bu gün Azərbaycan Respublikasının Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyində Yeni Azərbaycan Partiyasının (YAP) Nərimanov rayon təşkilatı ilə birgə ulu öndər Heydər Əliyevin hakimiyyətə gəlişinin 50 illiyinə həsr olunmuş tədbir keçirilib.BAKU.WS xəbər verir ki, tədbirin çıxış edən Agentliyin sədri Ülvi Mehdiyev 1969-cu ildə Heydər Əliyevin hakimiyyətə gəlişi ilə Azərbaycan tarixində böyük dönüş dövrünə keçildiyini bildirib.O qeyd edib ki, bununla da dinamik və hərtərəfli inkişafı təmin edən kompleks islahatlara başlanıb. Ü.Mehdiyev sözlərinə əlavə edib ki, Heydər Əliyevin banisi olduğu dövlətçilik strategiyası Prezident İlham Əliyev tərəfindən ölkəmizin inkişafı istiqamətində davam etdirilir.YAP Gənclər Birliyinin sədri Seymur Orucov da Heydər Əliyevin Azərbaycanın inkişafı yolunda həyata keçirdiyi islahatlardan danışıb.Tədbirdə Heydər Əliyevin həyat və dövlətçilik fəaliyyətinə həsr olunmuş videoçarx təqdim olunub.