"Dördgünlük müharibə"dən sonra ilk mühüm görüş

Bu gün Azərbaycan prezidenti İlham Əliyev Ermənistan prezidenti Serj Sarkisyanla görüşəcək.

BAKU.WS-in məlumatına görə, prezidentlərin görüşü Avstriyanın paytaxtı Vyanada keçiriləcək. Bu görüş "Dördgünlük müharibə"dən sonrakı ilk görüş olduğu üçün daha böyük əhəmiyyət kəsb edir.

Danışıqlarda vasitəçi qismində ATƏT-in Minsk qrupunun həmsədr ölkələri - Rusiya, ABŞ və Fransanın xarici siyasət idarələrinin rəhbərləri çıxış edəcəklər. 

Xatırladaq ki, Ermənistan və Azərbaycan prezidentlərinin sonuncu görüşü 2015-ci ilin dekabrın 19-da İsveçrə Konfederasiyasının paytaxtı Berndə keçirilib. Görüş nəticəsiz başa çatıb.

BAKU.WS