Çin ordusu Tayvan yaxınlığındakı çimərliyə tanklarını çıxardı - VİDEO

Çin hökuməti Tayvanla üzbəüz Fujian əyalətindəki çimərliyə tanklar çıxarıb. Ölkə hakimiyyəti bu qərarı ABŞ Nümayəndələr Palatasının spikeri Nensi Pelosinin mümkün səfəri fonunda verib.

BAKU.WS "oxu.az"a istinadən xəbər verir ki, şahidlər hadisə yerindən tank karvanının hərəkəti ilə bağlı kadrları paylaşıblar.

Qeyd edək ki, Çin Xarici İşlər Nazirliyinin sözçüsü Hua Çunyin bildirib ki, Pelosi Tayvana səfər edərsə, Çin dövlətin suverenliyini və ərazi bütövlüyünü qorumaq üçün kəskin tədbirlər görəcək.

Bundan əvvəl Çin lideri Si Cinpin ABŞ Prezidenti Co Baydenlə telefon danışığında ada ilə bağlı vəziyyətdə “odla oynamamağa” çağırıb.