Azərbaycan 12 dövlətə humanitar yardım göndərib - SİYAHI

Azərbaycan tərəfindən Çin, İran, İtaliya, Macarıstan, Özbəkistan, Bosniya və Hersoqovina, Xorvatiya, Qırğızıstan, Pakistan, Tacikistan, Moldova və Serbiyaya humanitar yardımlar göstərilib”.

BAKU.WS xəbər verir ki, bu barədə Azərbaycan Prezidentinin köməkçisi - Prezident Administrasiyasının Xarici siyasət məsələləri şöbəsinin müdiri Hikmət Hacıyev bu gün keçirilən brifinqdə bildirib.

O qeyd edib ki, humanitar yardımlar həm tibbi ləvazimatlar, həm də maliyyə şəklində dost və tərəfdaş dövlətlərə çatdırılıb.

H.Hacıyev vurğulayıb ki, bundan başqa, Fələstinli Qaçqınlara Yardım və İşlər üzrə BMT-nin Yaxın Şərq Agentliyi tərəfindən də humanitar yardımla bağlı Azərbaycana müraciət daxil olub:

“Bu müraciət də qiymətləndirilir. Yaxın vaxtlarda maliyyə formasında belə bir dəstəyin verilməsi nəzərdə tutulur”.