Astanada Ərdoğanla Putin arasında görüş başa çatıb - YENİLƏNİB

Rusiya Prezidenti Vladimir Putinin türkiyəli həmkarı Rəcəb Tayyip Ərdoğanla Astanadakı görüşü başa çatıb.

BAKU.WS TASS-a istinadla xəbər verir ki, görüş 1 saat yarım davam edib.

Vladimir Putin bildirib ki, siyasi məhdudiyyətlərə baxmayaraq, Türkiyə ilə Rusiya rəhbərliyi arasında müntəzəm görüşlər baş tutur, bu görüşlər və təmaslar yaxşı nəticələr verir.

***14:12

Astanada Türkiyə Prezidenti Rəcəb Tayyib Ərdoğanla Rusiya Prezidenti Vladimir Putinin Asiyada Əməkdaşlıq və Etimad Tədbirləri üzrə Müşavirənin (AQEM) 6-cı Zirvə Toplantısı çərçivəsində görüşü keçirilir.

BAKU.WS “TRTHaber”ə istinadla xəbər verir ki, görüşdə ikitərəfli münasibətlər, enerji sahəsində əməkdaşlıq, Ukraynadakı müharibə və Suriya ilə bağlı məsələlər müzakirə olunur.

Liderlər Rusiya-Ukrayna müharibəsi və atəşkəs prosesi, həmçinin Qara dəniz taxıl dəhlizi məsələsini müzakirə etdikləri bildirilib.