Xəbər verdiyimiz kimi, Prezident İlham Əliyev Gündüz Kərimovu Azərbaycan Respublikası Prezidentinin Administrasiyasının Qanunvericilik və hüquq siyasəti şöbəsinə müdir təyin edib. 

BAKU.WS Gündüz Kərimov haqqında bəzi məlumatları oxuculara təqdim edir:

Gündüz Hacı oğlu Kərimov 1977-ci ildə Qazax şəhərində anadan olub. 1994-cü ildə Göy-Göl şəhər 1 nömrəli orta məktəbini bitirib. 1994-2000-ci illərdə Bakı Dövlət Universitetinin beynəlxalq hüquq və beynəlxalq münasibətlər fakültəsində təhsil alıb. 2001-2002-ci illərdə ABŞ İndiana Universitetinin magistraturasını bitirib.

Bakı Dövlət Universitetinin Mülki proses və kommersiya hüququ kafedrasının müəllimidir. 

2011-2014-cü illərdə BDU-nun Hüquq fakültəsinin dekan müavini işləyib. Azərbaycan Respublikasının patent müvəkkilidir. Azərbaycan Sahibkarlar Konfederasiyasının Rəyasət Heyətinin üzvüdür.

1 iyul 2017-ci il tarixdən Fransanın paytaxtı Paris şəhərində yerləşən Beynəlxalq Ticarət Palatasının Beynəlxalq Arbitraj Məhkəməsinin Azərbaycandan üzvüdür.

Evlidir, iki övladı var.

Qeyd edək ki, Gündüz Kərimov 14 noyabr 2017-ci ildə Birinci vitse-prezident Mehriban Əliyevanın köməkçisi təyin edilib.

BAKU.WS