055 213 76 73
Noyabrın 14-də Türkiyə Respublikasının prezidenti Rəcəb Tayyib Ərdoğanın və xanımı Əminə Ərdoğanın adından "Böyük İyirmiliyin” (G20) Antalya şəhərində keçirilən Sammitində iştirak edən dövlət və hökumət başçılarının, beynəlxalq təşkilatların rəhbərlərinin və onların xanımlarının şərəfinə nahar verilib.
BAKU.WS-in məlumatına görə, Azərbaycan Respublikasının prezidenti İlham Əliyev, xanımı Mehriban Əliyeva və Heydər Əliyev Fondunun vitse-prezidenti Leyla Əliyeva naharda iştirak ediblər.
Axşam yeməyi sammitin keçiriləcəyi "Regnum Otel"də reallaşıb. Prezident Ərdoğan həyat yoldaşları ilə birlikdə yeməyə qatılan dövlət başçılarını həyat yoldaşı Əminə Ərdoğanla birgə qarşılayıb.
Nahara BMT-nin Baş katibi Pan Gi-Mun, Çin prezidentdi Şi Cinpinq, Kanada baş naziri Castin Trudeau, Sinqapur baş naziri Li Hsien Loonq, Meksika prezidenti Enrike Pena Nieto, Yaponiya baş naziri Şinzo Abe, Azərbaycan prezidenti İlham Əliyev, Cənubi Afrika prezidenti Yakob Zuma, AB Komissiya sədri Cin-Klaud Canker və digər rəsmilər qatılıb.
Axşam yeməyindən sonra ənənəvi türk əl sənətlərindən ibarət nümunələr sərgilənib. Bu əl işlərini izləyən liderlər sərgi barəsində məlumatlandırılıb.
Şahin Həbibov
BAKU.WS
