Xaçmazda sel dəmiryol xəttinin şpallarını yuyub aparıb

Güclü leysan yağışları nəticəsində Xaçmaz rayonu, Qaraçı kəndi yaxınlığında Ağçayın üzərindəki yeni salınan dəmiryolu körpüsünün bir hissəsi çöküb. Hadisə aprelin 16-da qeydə alınıb.

BAKU.WS xəbər verir ki, yağıntıların intensiv xarakter alması torpaq sürüşməsinə səbəb olub və bu da dəmir yoluna mənfi təsir göstərib. Nəticədə yolun müəyyən hissəsində uçqun baş verib. 

Məsələ ilə bağlı Azərbaycan Dəmir Yollarının mətbuat xidməti ilə əlaqə saxladıq. 

Bildirildi ki, qeyri-sabit hava şəraitinə görə Xaçmaz sahəsində dəmiryol infrastrukturunda yaranmış fəsadların aradan qaldırılması istiqamətində iş davam edir.