Həyat yoldaşını qətlə yetirməkdə şübhəli bilinən Səbuhinin başına nə gəlib? - RƏSMİ AÇIQLAMA

Qəsdən adam öldürmə faktı ilə bağlı cinayət işi başlayıb.

Bu barədə rayon prokurorluğundan BAKU.WS-ə bildirilib.

Oktyabrın 16-da saat 12 radələrində Tovuz rayonu, Əyyublu kəndi ərazisində 1996-ci il təvəllüdlü Mətanət Hacızadənin öldürülməsi barədə rayon prokurorluğuna məlumat daxil olub.

Araşdırma zamanı 1993-ci il təvəllüdlü Səbuhi Hacızadənin Mətanət Hacızadəni qəsdən öldürməsi, daha sonra isə intihar etməsinə əsaslı şübhələr müəyyən edilib.

Faktla bağlı Tovuz rayon prokurorluğunda cinayət işi başlanaraq ibtidai istintaq aparılır.

***19:44

Tovuz rayonunda həyat yoldaşını qətlə yetirməkdə şübhəli bilinən şəxsin meyiti tapılıb.

BAKU.WS xəbər verir ki, 1993-cü il təvəllüdlü Səbuhi Hacızadənin meyiti kənd ərazisində aşkar olunub.

Faktla bağlı araşdırmalar davam etdirilir.