Şəmkirdə qadın "Prius"u aşırdı: 6 nəfər XƏSARƏT ALDI

Şəmkirdə minik avtomobilinin aşması nəticəsində 6 nəfər xəsarət alıb.

BAKU.WS APA-ya istinadən xəbər verir ki, xəsarət alanlar Bərdə rayon sakinləri; 1995-ci il təvəllüdlü N. İsmayılova, 1995-ci il təvəllüdlü S. Bayramov, 1964-cü il təvəllüdlü C. Mirzəyeva, 2014-cü il təvəllüdlü M. Bayramzadə, 2016-cı il təvəllüdlü A.Bayramzadə və 2019-cu il təvəllüdlü Y Bayramzadədir.

Qeyd edək ki, Bərdə rayon sakini, 1995-ci il təvəllüdlü İsmayılova Nərgiz Rəhman qızı idarə etdiyi "Toyota Prius" markalı avtomobili aşırıb.

Hadisə Bakı-Ələt-Qazax-Gürcüstanla dövlət sərhədi avtomobil yolunun Şəmkir rayonunun Düyərli kəndi ərazisindən keçən hissəsində baş verib.

Faktla bağlı araşdırma aparılır.