Rusiyanın 10 dəqiqəyə dünyanı məhv etmək gücündə olan silahının VİDEOsu

Rusiya və Qərb ölkələrinin Suriyadakı vətəndaş müharibəsi çərçivəsində qarşı-qarşıya gəldiyi bir dövrdə Rusiya ordusu yeni silahını sınaqdan keçirib. 

BAKU.WS xəbər verir ki, 10 km məsafəni vurmağa qadir olan "Satana 2” raketi saniyədə 7 km məsafə qət edir. 40 meqaton ağırlığında nüvə başlığı daşıyan "Satana 2” Amerikanın Xiriosima və Naqasakiyə atdığı atom bombasından 2000 dəfə daha güclüdür. 

Rusiya ordusunun "Şeytan" adlandırdığı "RS-28 Sarmat" raketi 2018-ci ildə "SS-18" raketlərinin yerini tutacaq. "Satana 2" Fransa böyüklüyündə bir ərazini kül etməyə qadirdi.

Rusiya Müdafiə Nazirliyinin əmri ilə 2010-cu ildə planlaşdırılan Sarmat raketinin istehsalına 2011-ci ildə razılıq verilib və 2012-2013-cü illərdə təkmilləşdirilib. Sarmat, əsasən, Rusiyanın strateji gücünü qorumaq üçün nəzərdə tutulub. 

16 nüvə başlığı daşıyan "Satan 2" radarlardan yayınma xüsusiyyətinə də sahibdir. Eyni zamanda, Rusiya ərazisindən Avropanın istənilən şəhərini vura bilər. Məsələn Moskvanın mərkəzindən atılan raket İngiltərənin paytaxtını yerlə bir etmək iqtidarındadır.

ƏLİ 

BAKU.WS