Qaxda ov edən ərəblərin cərimələnməsi ilə bağlı nazirlikdən AÇIQLAMA

Qax rayonunun Acınohur ərazisində xarici turistlərin qanunsuz ov hallarına yol verməsi barədə sosial şəbəkələrdə və mətbuatda yayılan məlumatlar, foto və video materiallar Dövlət Ekoloji Təhlükəsizlik Xidmətinin əməkdaşları tərəfindən yerində araşdırılıb.

BAKU.WS xəbər verir ki, bu barədə Ekologiya və Təbii Sərvətlər Nazirliyindən açıqlama verilib.

Xidmət rəisi Hikmət Əlizadə bildirib ki, bəzi görüntülərdə və yerində aparılan araşdırmalarda qanun pozuntuları müəyyən edildiyindən iki əcnəbi turist Ovçuluq haqqında qanunvericiliyin tələblərinin pozulmasına və təbiətə vurulmuş ziyana görə cərimələniblər.