Göygöldə polisi maşın vurdu

Göygöldə piyadanın vurulması ilə nəticələn yol qəzası baş verib.

BAKU.WS APA-ya istinadən xəbər verir ki, hadisə rayonun girişində qeydə alınıb. Hərəkətdə olan minik avtomobili yolu keçmək istəyən 1999-cu il təvəllüdlü V.Musayevi vurub. Piyada xəstəxanaya yerləşdirilib, vəziyyətinin orta-ağır olduğu bildirilir.

V.Musayevin Göygöl Rayon Polis Şöbəsinin əməkdaşı olduğu bildirilib. Onu vuran avtomobil hadisə yerindən yayınıb.

Hadisə yerinə DYP əməkdaşları cəlb olunub.

Faktla bağlı araşdırma aparılır.