Gəncədən Moskvaya olan uçuş təxirə salındı - SƏBƏB

Gəncə şəhər Beynəlxalq Hava Limanından Rusiyanın Vnukovo aeroportuna uçması planlaşdırılan aviareys təxirə salınıb.

BAKU.WS Oxu.Az-a istinadən xəbər verir ki, saat 18:00-da həyata keçirilməsi gözlənilən uçuş sabah saat 12:00-dək təxirə düşüb.

İlkin məlumatlara əsasən, həmin aviareyslə 118 sərnişinin uçması nəzərdə tutulurdu. Sərnişinlərin bir qisminin Gəncə şəhərindəki hotellərə yerləşdirildiyi bildirilib.

Təxirə salınmanın səbəbinin təyyarədəki texniki nasazlıq olduğu ehtimal edilir.