Cinsi tələbini qarşılamayan arvadını qanına qəltan etdi – Xırdalanda DƏHŞƏTLİ AİLƏ DRAMI

Xırdalan şəhərində arvadını öldürməkdə təqsirli bilinən Tovuz rayon sakini, 1969-cu il təvəllüdlü Samir Məmmədovun (cinayət işində adı keçən şəxslərin ad və soyadları şərti verilib – red.) cinayət işi üzrə məhkəmə prosesi başa çatıb.

BAKU.WS “publika.az”a istinadən xəbər verir ki, Samir Məmmədov 17 may 2016-cı il tarixdə, saat 18.00-da paytaxtın Nizami rayonu, E.Süleymanov küçəsində yaşayan böyük bacısı Elmiraya əvvəllər borc verdiyi pulu almaqdan ötrü onların evinə gedib.Gecə yarıya kimi qonaqlıqSamir Məmmədov orada yeznəsi Əlimərdan ilə birlikdə spirtli içki qəbul edib, gecə yarıya kimi onlarda oturub. Təxminən mayın 18-nə keçən gecə, saat 01.00-da evə gəlib. Sərxoş vəziyyətdə olan Samir Xırdalan şəhərindəki evinə daxil olub. Evdə onu arvadı Sahibə qarşılayıb.Bu zaman Sahibə Samir Məmmədovu söyüb, təhqir edib. Əvvəllər də Sahibə onunla mübahisə edib. Bu dəfə də Sahibə ərini sərxoşluq etməkdə, pul qazana bilmədiyinə, hətta yaşadıqları evi belə təmir edə bilmədiyinə görə günahlandırıb.Ər-arvadın intim mübahisəsiArvadının tənbehlərindən bezən Samir Məmmədov ondan qisas alaraq öldürmək qərarına gəlib. Son zamanlar Samir Məmmədov bir arvad kimi onun cinsi tələblərini ödəməkdən imtina etdiyinə görə aralarında yaranmış mübahisə zamanı əsəbiləşib.Qanlı dava və oğlunun yardımıBu səbəbdən o, gecəyarısı arvadını öldürmək məqsədilə mətbəxdən götürdüyü bıçaqla onun boyun-boğaz nahiyəsinə çoxsaylı zərbələr vurub. Qadın qan içində qışqıraraq ərinə onu öldürməməsi barədə yalvarmağa başlayıb.Bu zaman səs-küyə yan otaqda yatmış övladları İnam oyanaraq həmin yerə gəlib. O, anasını atasının əlindən almağa cəhd edib. Samir oğlunu itələyərək, onun gözləri qarşısında yenidən arvadına çoxsaylı zərbələr vurub.Qadın ölümdən necə xilas edildi?Yenidən İnamın atasına göstərdiyi aktiv müqavimətdən sonra anasını onun əlindən alıb. İnam qan içində olan anasını təcili olaraq Kliniki Tibbi Mərkəzə aparıb. Orada vaxtında göstərilən ixtisaslı tibbi yardım nəticəsində Sahibənin həyatını xilas etmək mümkün olub.11 il 3 ay cəzaİstintaq orqanı tərəfindən Samir Məmmədovun barəsində Cinayət Məcəlləsinin 29,120.2.4-cü (xüsusi amansızlıqla və ya ümumi təhlükəli üsulla adam öldürməyə cəhd) maddəsi ilə ittiham elan edilib.Bakı Ağır Cinayətlər Məhkəməsinin hökmü ilə Samir Məmmədov 11 il 3 ay müddətinə azadlıqdan məhrum edilib.Hökmdən narazı qalan prokuror apelyasiya protesti verib. Prokuror Samir Məmmədovun barəsində olan hökmün ləğv edilməsini, ona ağır cəza verilməsini istəyib.Prokurordan etirazProkurorun protesti araşdırılması üçün Sumqayıt Apelyasiya Məhkəməsinə göndərilib. Şikayət hakim Nazim Mövsümovun sədrlik etdiyi kollegiyada araşdırılıb.Apelyasiya protestinin dəlillərini araşdıran hakim heyəti sonda qərar elan edib. Qərara görə, prokurorun protesti təmin olunmayıb.Bundan sonra prokuror eyni tələblə kasasiya şikayəti verib. Ali Məhkəmədə hakim Əli Seyfəliyevin sədrliyi ilə baş tutan prosesdə qərar açıqlanıb. Bu yaxınlarda açıqlanan qərarda göstərilib ki, təqsirləndirilən Samir Məmmədovun cəzasının ağırlaşdırılması üçün heç bir əsas yoxdur.Bu səbəbdən prokurorun kasasiya protesti də təmin olunmayıb.BAKU.WS