Azərbaycanda 57 yaşlı qadın özünü yandırdı

Gədəbəydə 57 yaşlı qadın intihara cəhd edib. BAKU.WS-in APA-ya istinadən verdi məlumata görə, rayonun Şınıx kəndində kənd sakini, 1958-ci il təvəllüdlü Nəsibə Hüseynova yaşadığı evdə üzərinə neft tökərək özünü yandırıb. Qadın dərhal Gədəbəy rayon Mərkəzi xəstəxanasına, oradan isə Gəncə şəhər Təcili Tibbi Yardım xəstəxanasına çatdırılıb. Ona bədənin 95 faizinin 2-3-cü dərəcəli yanıq diaqnozu qoyulub. N. Hüseynovanın vəziyyətinin ağır olduğu bildirilir. İlkin məlumata görə N. Hüseynova ailə münaqişəsi zəminində özünü yandırıb. Faktla bağlı Gədəbəy rayon Prokurorluğunda araşdırma aparılır. BAKU.WS