Ana və oğlu yol qəzasında ağır xəsarət aldı

Qusarda ana və oğul yol qəzasında ağır xəsarət alıb.

BAKU.WS-in Report-a istinadla məlumatına görə, hadisə rayonun Çiləgir kəndində qeydə alınıb.

İki avtomobilin toqquşması nəticəsində sərnişinlər - 1964-cü il təvəllüdlü Əmirova Züleyxa Əkbər qızı və oğlu Əmirov Ramiz Yusif oğlu ağır xəsarətlər alıblar. Yaralılar əvvəlcə Qusar Rayon Mərkəzi Xəstəxanasına çatdırılıblar. Lakin vəziyyətləri ağır olduğundan Bakıda yerləşən xəstəxanaların birinə gətiriliblər. Müayinə zamanı Z.Əmirovaya qapalı kəllə-beyin travması, sağ bazu sümüyünün və sağ ayağının sınığı, R.Əmirova isə qapalı kəllə-beyin travması, sağ qamış sümüyünün və qabırğaların sınığı diaqnozları qoyulub.

Hadisənin təfərrüatı araşdırılır.