Avstraliyanın Sidney şəhərindən Bakıya gələn Elin adlı müğənni xanımın iddia etdiyi kimi 90 min dollar pulunu mənimsəyən musiqiçi Kamran Zahidlinin daha iki qurbanı efirə gəlib.
BAKU.WS xəbər verir ki, ATV-nin "Bizimləsən" proqramına gələn bir xanım ifaçı və Moskvada yaşayan Kaan adlı şəxs Kamran tərəfindən aldanıldıqlarını bildiriblər.
Xatırladaq ki, Elin xanım Talıb Tale ilə duet oxumaq məqsədilə Bakıya gəlib. Səsyazma studiyasında onunla görüşüb və ayrılıblar. Həmin an Kamran Zahidli ona yaxınlaşaraq isti münasibət qurub və məşhurlaşmaq üçün ona kömək edəcəyinə söz verib. Əlbəttə ki, pul qarşılığında. Əslən İrandan olan xanım adıçəkilən şəxsə 1 il ərzində 90 min dollar pul verdiyini, lakin ona vəd edilən işlərin görülmədiyini deyir. 
Qeyd edək ki, Kamran Zahidli müğənni kimi fəaliyyətə başlasa da, klarnet ifaçısıdır. Şəxsiyyət vəsiqəsindəki adı və soyadı Xəqani Zahidovdur. Yerli mətbuatda özünü Damlanın sevgilisi kimi tanıdıb, onunla duet oxuyub.