Məşhur aparıcı keçmiş həyat yoldaşı tərəfindən döyülüb

Rusiyalı aparıcı Anastasiya Trequbova etirafı ilə diqqət çəkib.

BAKU.WS "Lenta.ru"ya istinadən xəbər verir ki, o keçmiş həyat yoldaşı Aleksandrın onu döydüyünü bildirib.

Aparıcı bu səbəbdən həyat yoldaşından boşanıb.

"Bu adam mənə əl qaldırdı. Səsimin indi bir az fərqli olduğunu eşidə bilərsiniz. Elədir, çünki bu adam məni boğmağa da çalışdı. İki həftə danışa bilmədim" - deyə o qeyd edib.

Aparıcı həmçinin məişət zorakılığının onun qulaq pərdəsinə və tor qişasına zərər verdiyini iddia edib.

Anastasiya, həmçinin keçmiş ərini psixoloji zorakılıqda da günahlandırıb.

Belə ki, keçmiş həyat yoldaşı onun sosial dairəsini məhdudlaşdırıb və telefonlarını sındırıb.