"Günəşli" yatağında yanğın 2 aydan sonra söndürüldü
![Günəşli yatağında yanğın 2 aydan sonra söndürüldü](https://baku.ws/storage/photos/thumbs/large/1455168355_1467276444bd5351ece740.webp)
"Günəşli" yatağındakı 10-cu özüldə yanğın söndürülüb.
BAKU.WS Fövqaladə Hallar Nazirliyinə istinadən məlumat verir ki, 4 dekabr 2015-ci il tarixində "Günəşli” yatağındakı 10 saylı özüldə baş vermiş qəza nəticəsində yanğının söndürülməsi istiqamətində fasiləsiz tədbirlər həyata keçirilib.
Görülmüş fasiləsiz və təxirəsalınmaz tədbirlərin nəticəsi olaraq, 10 fevral 2016-cı il tarixində saat 19:24-də yanğın tamamilə söndürülüb.
SOCAR-ın məlumatında isə bildirilir ki, dekabrın 4-də Bakı və Abşeron yarımadasında nadir hallarda təsadüf edilən çox güclü qasırğa zamanı "Günəşli” yatağında yerləşən 10 saylı dərin dəniz özülündə baş vermiş qəza nəticəsində yanan quyular fevralın 10-da tamamilə söndürülüb.
Yanğın zamanı quyuağzı avadanlıqların sıradan çıxması nəticəsində quyuların hermetikliyi pozulmuşdu ki, bu da quyuların boğulmasını çətinləşdiriridi. Mövcud texnika və avadanlıqlardan maksimum səmərəli istifadə edilərək, əlavə problem yaratmadan yanan quyularda növbə ilə quyuağzı avadanlıqlar dəyişdirilib, quyular məhlul ilə boğulub.
Görülmüş tədbirlər nəticəsində yanğın tam söndürülüb.
BAKU.WS
Oxşar xəbərlər
“Günəşli” yatağındakı yanğından son görüntülər (VİDEO)
"Günəşli” yatağındakı 10 saylı dərin dəniz özülündə baş vermiş qəzanın nəticələrinin aradan qaldırılması üçün Fövqəladə Hallar Nazirliyi aidiyyəti üzrə tədbirlə...