055 213 76 73
SOCAR rəhbərliyi "Günəşli” yatağındakı 10 saylı Dərin Dəniz Özülündə baş vermiş yanğında xilas olunan neftçiləri ziyarət edib
BAKU.WS məlumat verir ki, "SOCAR" şirkətinin vitse-prezidenti Xalik Məmmədov, Ombudsman Elmira Süleymanov və digər aidiyyatı şəxslər yanğından xilas olunan neftçilərə xəstəxanada baş çəkiblər. Neftçilər dəhşətli yanğında baş verənləri "SOCAR" rəhbərliyinə danışıblar:
"Yanğından xilas olmaq üçün mindiyimiz qayıq güclü küləyin təsirindən platformalara çırpılaraq iki yerə bölündü. Qayıqda təxmini 10-12 nəfər idik. Qayıq yarıya bölünəndən sonra yarımız bir hissəsində qaldıq, qalan 5-6 nəfər o biri parçasının üstündə idi. Nə baş verdiyini tam başa düşmürdük. Özümdə deyildim. Qayıqdan bərk yapışıb son saniyələrimi sayırdım. Ümidim yox idi xilas olmağımıza. Bizi Topazın gəmisinin işçiləri xilas etdi" - deyə Socarın işçisi hadisə baş verən günü başlarına gələnləri danışarkən bildirib.
BAKU.WS