Bakıda məktəbdə şagird müəlliminin gözü qarşısında bıçaqlandı - TƏFƏRRÜAT
![Bakıda məktəbdə şagird müəlliminin gözü qarşısında bıçaqlandı - TƏFƏRRÜAT](https://baku.ws/storage/photos/thumbs/large/1491563519_bicaq_0322.webp)
Bakının Suraxanı rayonu 146 nömrəli orta məktəbdə baş verən bıçaqlanma hadisəsinin təfərrüatları məlum olub.
BAKU.WS xəbər verir ki, orta məktəbdən Trend-ə verilən məlumata görə, hadisə aprelin 3-də məktəbin hərbi hazırlıq dərsi zamanı baş verib: "Hadisə hərbi hazırlıq müəllimi Ramiz Şahmurovun gözü qarşısında baş verib. 1989-cu il təvəllüdlü Nizami Kərimov orta məktəbə gəlib və məktəbin 10-cu sinif şagirdi, 2001-ci il təvəllüdlü Rəşad Novruzovla mübahisə edib. Mübahisə R.Novruzovun sinif yoldaşı olan qız üstündə baş verib. Məktəbə gələn N.Kərimov həmin qızı sevirmiş. Qızın sinif yoldaşı R.Novruzovla mübahisə edən N.Kərimov sonda özü ilə gətirdiyi bıçaqla ona xəsarət yetirib. Nəticədə R.Novruzov bud nahiyəsindən bıçaq xəsarəti alıb. Yaralı dərhal xəstəxanaya yerləşdirilib".
Hadisə nəticəsində xəsarət alan R.Novruzovun hazırda səhhəti normaldır və o aprelin 7-də xəstəxanadan evə buraxılıb.
Suraxanı rayon Polis İdarəsi əməkdaşlarının keçirdiyi əməliyyat nəticəsində hadisəni törədən N. Kərimov saxlanılıb və faktla bağlı cinayət işi başlanıb. Hadisə ilə bağlı məktəbin rəhbər işçiləri və şahidlər dindirilib.
BAKU.WS
Oxşar xəbərlər
Bakıda 9-cu sinf şagirdi bacısına görə sinif yoldaşını bıçaqlayıb (VİDEO)
Bakıda orta məktəbdə bıçaqlanma olub. 9-cu siniflər arasında düşən dava onların bıçaqlanması ilə nəticələnib. Hadisə Binəqədidə yerləşən 217 nömrəli məktəbdə ba...