Bakıda ölümlə nəticələnən yol-nəqliyyat hadisəsi baş verib

 

 

BAKU.WS-in DİN-in saytına istinadən verdiyi məlumata görə, martın 20-də saat 15.00 radələrində Qaradağ rayonunun Lökbatan qəsəbəsində Sumqayıt şəhər sakini Məmmədəli Mustafayev idarə etdiyi "Mercedes" markalı avtomobili qarşıda gedən Ağstafa rayon sakini Amil Hüseynovun idarə etdiyi "Mercedes-Sprinter" markalı mikroavtobusa vurub və idarəetməni itirdiyindən avtomobil eyni istiqamətdə hərəkətdə olan Abşeron rayon sakini Müşfiq Əsədovun idarə etdiyi "Mercedes" markalı avtomobilə çırpılıb, "Mercedes-Sprinter" markalı mikrovtobus isə aşıb.

 

Nəticədə A. Hüseynovun sərnişini Neftçala rayon sakini Elçin Səfərov hadisə yerində ölüb. Özünə və digər sərnişininə, habelə M. Mustafayevin sərnişininə xəstəxanada ilkin tibbi yardım göstərildikdən sonra buraxılıblar.

 

Qaradağ RPİ tərəfindən araşdırma aparılır.

 

BAKU.WS