12,99%-dən ZAMİNSİZ, KOMİSSİYASIZ NAĞD KREDİT

Tanınmış kimyaçı alim, Əməkdar elm xadimi, Dövlət mükafatı laureatı, Prezidentin fərdi təqaüdçüsü, akademik Musa Rüstəmov II Fəxri xiyabanda torpağa tapşırılıb.

BAKU.WS xəbər verir ki, mərhumla vida mərasimi AMEA-nın Əsas binasının Dairəvi akt zalında olub.

Mərasimdə AMEA-nın prezidenti, akademik İsa Həbibbəyli, elm və təhsil nazirinin müavini Firudin Qurbanov, dövlət və hökumət rəsmiləri, ziyalılar, elm və təhsil ictimaiyyətinin nümayəndələri və mərhumun ailə üzvləri iştirak ediblər.

Alimin tabutu önünə Azərbaycan Prezidenti İlham Əliyevin adından əklil qoyulub.

Vida mərasimini AMEA-nın prezidenti, akademik İsa Həbibbəyli açaraq akademik Musa Rüstəmovun vəfatının Azərbaycan elmi ictimaiyyəti üçün böyük itki olduğunu bildirib. O, ölkəmizdə kimya sahəsində mühüm elmi nailiyyətləri ilə öz imzasını atmış, neft-kimya elminin inkişafına böyük töhfələr vermiş görkəmli alim, akademik Musa Rüstəmovun səmərəli elmi fəaliyyətindən, Azərbaycan kimya elminin inkişafına verdiyi töhfələrdən söz açıb.

AMEA rəhbəri əlavə edib ki, akademik Musa Rüstəmov 700-dən çox məqaləsi ilə kimya elminin neft-kimya istiqamətini sanballı əsərlərlə zənginləşdirib, həmçinin Azərbaycanda kimya sənayesinin formalaşdırılmasında böyük rol oynayıb.

Mərhum akademikin ailə üzvləri adından oğlu İsmayıl Rüstəmov çıxış edərək atası ilə bağlı xatirələrini bölüşüb, mərasim iştirakçılarına təşəkkürünü bildirib.

Sonra görkəmli alimin cənazəsi son mənzilə yola salınıb.

BAKU.WS
QALEREYA