055 213 76 73
Azərbaycan Respublikası Ərazilərinin Minalardan Təmizlənməsi üzrə Milli Agentlik (ANAMA) Tərtər, Füzuli və Ağdam rayonlarında aşkar olunan partlamamış hərbi sursatlar (PHS) haqqında hesabat yayıb.
ANAMA-dan BAKU.WS-ə verilən məlumata görə, hesabat ötən günə aiddir.
Hesabata əsasən, Tərtər, Füzuli və Ağdam rayonu ərazilərində baxış keçirilən ərazilər qeyd edilib. Ötən gün 5 ev və həyətyanı sahədə, 6 otlaq sahəsi daxil olmaqla 15 partlayış yerinə baxış keçirilib.
Tərtər
Ağkənd kəndi - 3 ev və həyətyanı sahədə 4 partlayış yerinə baxış keçirilib, 14 000 kv. m ərazi yoxlanılıb.
Qazyan kəndi - 2 ev və həyətyanı sahədə 5 partlayış yerinə baxış keçirilib, 10 000 kv. m ərazi yoxlanılıb.
Qaynaq kəndi - 3 otlaq sahəsində 3 partlayış yerinə baxış keçirilib, 600 kv. m ərazi yoxlanılıb.
Gün ərzində 5 ev və həyətyanı sahədə, 3 otlaq sahəsində 12 partlayış yerinə baxış keçirilib. 24 600 kv. m ərazi yoxlanılıb.
Ağdam rayonu
Çəmənli kəndi – 1 əkin sahəsində 1 partlayış yerinə baxış keçirilib, 5 000 kv. ərazi qəlpələrdən təmizlənib. Heç bir PHS aşkar olunmayıb.
Füzuli rayonu
Şükürbəyli kəndi – 2 əkin sahəsində 2 partlayış yerinə baxış keçirilib, 420 kv.m ərazi qəlpələrdən təmizlənib. PHS aşkar olunmayıb.
Ümumilikdə agentlik tərəfindən 7 aprel-13 may 2016-cı il tarixlərində Zərdab, Tərtər, Ağcabədi, Ağdam, Füzuli, Goranboy, Tovuz, Samux, Şəmkir, Cəlilabad, Ucar rayonlarında və Bakı şəhərində 474 ev və həyətyanı sahə, 2 hərbi hissə, 2 kənd qəbiristanlığı, 3 kənd orta məktəbi, 1 tibb məntəqəsi, 12 ferma, əkin sahələri və 1 çaxır zavodu ərazisinə baxış keçirilib. 1 420 ədəd partlamamış hərbi sursat, 11 ədəd piyada əleyhinə mina (PMN), 2 ədəd piyada əleyhinə POMZ-2 və 6 ədəd tank əleyhinə mina aşkar olunaraq zərərsizləşdirilib.
Hal-hazırda Agentlik tərəfindən yaradılmış xüsusi təyinatlı mobil çevik qrupları minaaxtaran itlərin dəstəyi ilə təmas xəttində yerləşən kəndlərdəki evlərlə yanaşı məktəblər və digər obyektlərin yerləşdiyi ərazilərdə əməliyyatları davam etdirir.
BAKU.WS