Neft qiymətləri yeni həftəyə kəskin artımla başladı

Qlobal əmtəə bazarlarında neft qiymətləri yeni həftəyə ciddi bahalaşma ilə start verib.

BAKU.WS xəbər verir ki, "APA-Economics"in məlumatına görə, ABŞ-ın WTI markalı neftinin NYMEX birjasında ticarət olunan may fyuçersləri 1,71% və ya 1,70 dollar artaraq 101,34 ABŞ dollarına yüksəlib.

Eyni zamanda, Brent markalı neftin ICE birjasında may fyuçersləri 2,65% və ya 2,98 dollar bahalaşaraq 115,55 ABŞ dolları səviyyəsinə çatıb.

Qeyd edək ki, Brent neftinin ötən həftə üzrə bağlanış qiyməti təxminən 105 dollar civarında olub.

Ekspertlərin fikrincə, qiymət artımına əsas səbəb Yaxın Şərqdə gərginliyin yüksəlməsi və xüsusilə Hörmüz boğazı ətrafında mümkün təchizat riskləri ilə bağlı narahatlıqlardır. Bu amillər bazarda qiymətlərə birbaşa təsir göstərir.