Azərbaycanda benzin niyə ucuzlaşmalıdır?

"Yanacağın qiymətinin aşağı salınmasının Ümumi Tarazlıq Modelinə əsasən xərcləri azaltmaqla iqtisadiyyatın müxtəlif sektorlarına müsbət təsir edəcəyi ilə bağlı açıqlamamdan sonra Tarif Şurası və SOCAR-ın münasibəti özünü çöx gözlətmədi. Hər iki qurum Azərbaycanda benzinin qiymətinin azaldılmasının gündəmdə olmadığını və hətta ölkəmizdə yanacağın ABŞ ilə müqayisədə çox ucuz olduğunu açıqlayıblar".

BAKU.WS-in məlumatına görə, bu sözləri İqtisadi və Sosial İnkişaf Mərkəzinin (İSİM) sədri Vüqar bayramov söyləyib. Mütəxəssis dövlət qurumlarının benzinin qiyməti ilə bağlı açıqlamasına münasibət bildirib.

İqtisadçının fikrincə, "Premium Euro-95» və AI-98 markalı benzinin qiyməti Birləşmiş Ştatlar ilə müqayisədə bizdə ucuz deyil, əksinə bahadır: "Yerli istehsal olan Aİ92 benzinin qiyməti isə Azərbaycanda ABŞ-a nisbətən heç də çox ucuz deyil. Belə ki, ABŞ-da bütün ştatlar nəzərə alınmaqla bir qallon benzinin orta qiyməti 1,822 dollardır. Bu isə o deməkdir ki, benzinin 1 litrinin qiymət cəmi 48 ABŞ sentdir. Azərbaycanda isə 1 litr daxili istehsal benzinin qiyməti son devalvasiyadan sonra manat ifadə də dəyişməsə də dollar ifadəsində 45 sentə düşüb. Deməli, fərq çox yox, sadəcə 3 sentdir".

İqtisadçının sözlərinə görə, 3800 dollar orta aylıq əmək haqqıya malik olan ABŞ-da gündəlk 5 litr benzindən istifadə edən vətəndaşın xərci ümumi gəlirinin cəmi 1,9 faizni təşkil edirsə, bu göstərici bizdə 21 faizə bərabərdir: "Yəni, gündəlik benzin sərfi 5 litr olan orta Azərbaycan vətəndaşı öz gəlirinin 1/5-dən çoxunu yanacağa xərcləyir. Benzinin qiyməti ilə neftin dünya bazar qiyməti arasında əlaqənin olduğunu kimsə iddia etmir və əslində, neft özümüzün olduğu üçün qiymətin aşağı salınmasına ehtiyac var. Yanacağın ucuzlaşması büdcəyə bu mənbədən birbaşa daxilolmaları azalatsa da dolayı gəlirləri artırdığı üçün nəticədə qazanan tərəf elə büdcə özü olacaq".

BAKU.WS