Azərbaycanın su ehtiyatları Gürcüstan və Ermənistandan dəfələrlə azdır

Azərbaycanın su ehtiyatları Gürcüstan və Ermənistana nisbətən dəfələrlə azdır.

BAKU.WS xəbər verir ki, bunu İqtisadiyyat Nazirliyi yanında Kiçik və Orta Biznesin İnkişafı Agentliyinin (KOBİA) sədrinin müşaviri Elnur Əliyev ADSEA ilə KOBİA-nın keçirdiyi birgə tədbirdə çıxışı zamanı deyib.

O bildirib ki, Azərbaycanın ümumi su ehtiyatı 26,2 milyard kubmetrdir. Bu göstərici Gürcüstanda 108 milyard kubmetr təşkil edir ki, bu da Azərbaycanın payından 4 dəfə çoxdur. Ermənistanın su ehtiyatı isə 40 milyard kubmetrdir və bu, Azərbaycandan 1,5 dəfə artıqdır:

"Ümumilikdə Cənubi Qafqazda mövcud su ehtiyatlarının 15%-i Azərbaycana, 62%-i Gürcüstana, 23%-i isə Ermənistana məxsusdur".

Banu Hüseynli