Zelenskiyə Donbasdan ordunun çıxarılması üçün iki ay vaxt verilib

Rusiya Ukraynaya Donbasdan Ukrayna Silahlı Qüvvələrini (VSU) çıxarmaq üçün iki ay vaxt verib, əks halda sülh müqaviləsinin şərtləri dəyişəcək.

BAKU.WS xəbər verir ki, bu barədə Ukrayna prezidenti Volodimir Zelenski bildirib.

Ukrayna lideri dəqiqləşdirib ki, bu şərtlər ona amerikalı vasitəçilər tərəfindən çatdırılıb.

"Rusiya Donbası iki aya ələ keçirməyi planlaşdırır. Mən təəccüblənirəm ki, buna hələ də necə inanmaq olar",-deyə o əlavə edib.

Bundan əvvəl Zelenski UNIAN agentliyinə bildirib ki, Donbasdan qoşunların çıxarılması və ABŞ-nin mövqeyi ilə bağlı dedikləri doğru olub. O izah edib ki, ABŞ Ukraynaya təhlükəsizlik zəmanətlərini yalnız Donbasdan qoşun çıxarıldıqdan sonra verməyi nəzərdən keçirir və bu mövqedə Moskva israr edir. Zelenski isə hesab edir ki, bu formatda razılaşmalar işləməyəcək.