Zədələnmiş ABŞ hərbi təyyarəsi Britaniyada qeydə alınıb

ABŞ Hərbi Hava Qüvvələrinə məxsus KC-135 Stratotanker Böyük Britaniyadakı Mildenhall aviabazası ərazisinə eniş edib.

BAKU.WS xəbər verir ki, məlumata görə, təyyarənin gövdəsində qəlpə izləri və zədələnmiş hissələrə qoyulmuş yamaqlar müşahidə olunub. Bildirilir ki, bu hava gəmisi ABŞ-ın Ohayo ştatı Milli Qvardiyasının tərkibinə daxildir.

İddialara əsasən, təyyarə mart ayında Prince Sultan aviabazası istiqamətində həyata keçirilən hücum zamanı zərər görüb.

Xatırladaq ki, həmin hücum zamanı ABŞ-a məxsus Boeing E-3 Sentry tipli iki kəşfiyyat təyyarəsinin sıradan çıxdığı və bir neçə hərbçinin yaralandığı bildirilmişdi.