Ukraynanın daha bir şəhəri uğrunda ağır döyüşlər başlayıb

Ukraynanın Donetsk vilaəyitnin Konstanti­nivka şəhərində vəziyyət gərginləşib.

BAKU.WS xəbər verir ki, Ukrayna tərəfinə məxsus "Deep State" analitik layihəsinin məlumatına görə, şəhərin cənub kənarında döyüşlər başlayıb və xəritədə həmin ərazi döyüş zonasına çevrilib.

Məlumata əsasən, Rusiya qüvvələri Konstanti­nivkanın cənub hissəsi boyunca irəliləyir. Konstanti­nivkanın şərq və cənub-şərq istiqamətlərində nəzarət zonası genişlənib, hazırda isə İvanopolye kəndi və Klyeban-Bık su anbarının şimal hissəsi uğrunda döyüşlər gedir.

Bütün bu hərbi gərginlik fonunda ABŞ və Çin liderləri arasında vacib diplomatik əlaqə baş tutub. Çin Xalq Respublikasının Sədri Si Cinpin ABŞ Prezidenti Donald Tramp ilə telefon danışığı aparıb.

Çin Mərkəzi Televiziyasının məlumatına görə, Si Cinpin söhbət zamanı Pekinin Ukrayna münaqişəsi üzrə tərəflərin fikir ayrılıqlarını azaltmaq və mümkün qədər tez, ədalətli və davamlı bir sülh sazişinə nail olunmasını arzuladığını bildirib. O vurğulayıb ki, Çin bütün sülh təşəbbüslərini dəstəkləyir.