Tramp: Netanyahuya İrana cavab zərbəsi endirməməyi tövsiyə edəcəyəm

ABŞ Prezidenti Donald Tramp İsrailin Baş naziri Benyamin Netanyahu ilə əlaqə saxlayacağını və onu İrana cavab zərbəsi endirməməyə çağıracağını bildirib.

BAKU.WS xəbər verir ki, Tramp açıqlamasında yaxın vaxtlarda Netanyahuya zəng edəcəyini və vəziyyətin daha da gərginləşməsinin qarşısını almağa çalışacağını deyib.

ABŞ Prezidenti, həmçinin İranla artan gərginlik fonunda ABŞ Silahlı Qüvvələrinin yüksək hazırlıq vəziyyətinə gətirildiyini də vurğulayıb.

Trampın açıqlaması İran və İsrail arasında davam edən qarşılıqlı raket hücumları fonunda səsləndirilib.