Antalyada güclü leysan yağışları selə səbəb oldu

Antalyada güclü leysan yağışları nəticəsində sel yaranıb.

BAKU.WS xəbər verir ki, xüsusilə Demre rayonunda təsirini artıran sərt hava şəraiti əhaliyə və təsərrüfata ciddi ziyan vurub.

Bölgənin Çevreli, Üçağız və Yavu məhəllələrində yağıntının şiddəti səbəbindən küçələr su altında qalıb, nəqliyyatın hərəkətində çətinliklər yaranıb.

Sel sularının gətirdiyi lil və qırıntılar yolları bağlayıb, bir çox ev və iş yeri ilə yanaşı, kənd təsərrüfatı sahələri də zərər görüb.

Bölgədə 15 gün əvvəl də bənzər hadisə baş verib. Suşəbəkələrində daşqınlar qeydə alınıb.

Fəsadların aradan qaldırılması üçün Türkiyə Dövlət Su İşləri İdarəsi və Demre Bələdiyyəsinin əməkdaşları dərhal əraziyə cəlb olunub.

Qalereya