Tramp: ABŞ üçün növbəti istiqamət Kuba ola bilər

Ağ Ev rəhbəri Donald Tramp ABŞ-ın gələcək xarici siyasət prioritetləri ilə bağlı diqqətçəkən açıqlama verib. O bildirib ki, Kuba Vaşinqtonun növbəti strateji istiqamətlərindən biri ola bilər.

BAKU.WS xəbər verir ki, bu fikirlər Mayamidə keçirilən investisiya forumu zamanı səsləndirilib.

Tramp çıxışında ABŞ-nin hərbi gücünü artırdığını vurğulayaraq qeyd edib ki, bu gücdən istifadə etmək niyyətində olmasa da, bəzi hallarda belə addımlar qaçılmaz ola bilər.

O əlavə edib ki, Kuba məsələsi hazırda gündəmdədir, lakin mümkün addımların detalları barədə konkret məlumat verməyib.