Tokayev və Ərdoğan Ankarada görüşüb

Türkiyənin paytaxtı Ankarada Qazaxıstan Prezidenti Kasım-Jomart Tokayev ilə Türkiyə Prezidenti Rəcəb Tayyib Ərdoğan arasında rəsmi görüş olub.

BAKU.WS xəbər verir ki, Tokayev Ankaradakı Prezident sarayında rəsmi protokol əsasında qarşılanıb.

Prezident Ərdoğan həmkarını sarayın qarşısında şəxsən salamlayıb. Qarşılama mərasimi zamanı hər iki ölkənin dövlət himnləri səsləndirilib, 21 artilleriya atəşi açılıb və fəxri qarovul düzülüb.

Rəsmi mərasim çərçivəsində liderlər fəxri qarovulun önündən keçib və qarşılıqlı olaraq nümayəndə heyətlərinin üzvlərini bir-birinə təqdim ediblər.

Protokol mərasimindən dərhal sonra dövlət başçıları arasında danışıqlara başlanılıb. Görüş zamanı ikitərəfli münasibətlərin dərinləşdirilməsi, regional əməkdaşlıq və beynəlxalq gündəlikdə olan əsas məsələlərin müzakirə olunacağı gözlənilir.

Cumhurbaşkanımız Sayın Recep Tayyip Erdoğan, Kazakistan Cumhurbaşkanı Kasım Cömert Tokayev’i Cumhurbaşkanlığı Külliyesi'nde resmi törenle karşıladı. pic.twitter.com/BYrmC2MV31

— AK Parti (@Akparti) July 29, 2025