Teylor Sviftdən 5 milyon dollarlıq yardım

Məşhur müğənni Teylor Svift xeyirxah addımı ilə diqqət çəkib.

BAKU.WS xəbər verir ki, sənətçi ABŞ-də həyatı iflic edən "Milton" qasırğası qurbanlarına 5 milyon dollar yardım edib.

"Feeding America" popçunun yardım etdiyini rəsmi olaraq təsdiqləyib.

Açıqlamada bildirilib ki, ianə dağılan evlərin yenidən qurulmasına və bərpasına, o cümlədən qasırğadan zərər çəkmiş insanların əsas qida, təmiz su və avadanlıqlarla təminatına xərclənəcək.

"Feeding America"nın əməkdaşı məşhurlara səslənərək "Bacarsanız, siz də Taylora qoşulun" sözlərini söyləyib.