Taylandda yanacaqdoldurma məntəqələrində partlayışlar baş verib

Taylandın cənub bölgəsində yaraqlılar PTT neft-qaz şirkətinə aid 11 yanacaqdoldurma məntəqəsində partlayıcı qurğular işə salıb və yanğınlar törədiblər.

BAKU.WS xəbər verir ki, bu barədə məlumatı "One 31" telekanalı yayıb.

Hadisələr Narathivat, Pattani və Yala prefekturalarında qeydə alınıb. Partlayışlar nəticəsində bir polis əməkdaşı yaralanıb.

Qeyd edilir ki, Taylandın müsəlmanların üstünlük təşkil etdiyi cənub hissəsində silahlı münaqişə 70 ildən çoxdur davam edir. 2004-cü ildən etibarən aktiv fəaliyyət göstərən yaraqlı qruplar regionun ayrılması və Pattani, Yala və Narathivat ərazilərində sultanlığın yaradılması məqsədini güdürlər.