Suriyada ölkənin ən böyük stadionunda yanğın baş verib

Suriyanın Hələb şəhərində ölkənin ən böyük stadionu olan Hələb Beynəlxalq Stadionunda yanğın baş verib.

BAKU.WS xəbər verir ki, bu barədə "Al-Masry Al-Youm" məlumat yayıb.

Hələb Beynəlxalq Stadionu 75 min tamaşaçı tutumuna malikdir.

Məlumata görə, yanğın naməlum şəxslər tərəfindən törədilib. Yanğının səbəbləri barədə rəsmi məlumat verilmir.

Qeyd olunur ki, sosial şəbəkələrdə yanğının söndürüldüyü barədə məlumat yayılıb. 2012-ci ilin iyulunun əvvəlində mərmilər, partlayışlar və hava hücumları nəticəsində stadiona ciddi ziyan dəyib.