Suriya 2014-cü ildən bəri ilk dəfə 42 kimyəvi bombanı məhv edib

Suriya avqust ayında Kimyəvi Silahların Qadağan Edilməsi Təşkilatının (OPCW) nəzarəti altında 42 kimyəvi aviasiya bombasını məhv edib. Bu, 2014-cü ildən bəri ölkə ərazisində təsdiqlənmiş ilk belə əməliyyatdır.

BAKU.WS xəbər verir ki, Suriyanın xarici işlər naziri Əsəd əş-Şeybani OPCW-nin baş direktoru Sabine Dallafiorla görüşündə kimyəvi silah proqramı ilə bağlı sənədlərin tam araşdırılması və prosesin yekunlaşdırılması üçün yol xəritəsini müzakirə edib.

Şeybani kimyəvi silah cinayətlərində şübhəli bilinən 18 nəfərin həbsdə olduğunu bildirib. O, əvvəlki rejimin gizlətdiyi istehsal və saxlama obyektlərinin də rəsmi bəyanatlara daxil edildiyini qeyd edib.

Nazir, həmçinin İsraili Suriyada sabitliyi pozmaqda və Süveyda bölgəsində silahlı qrupları dəstəkləməkdə ittiham edib.