Süd Yolunda qaranlıq maddədən yaranan sirli şüalanma aşkarlanıb

Süd Yolunda qaranlıq maddə ilə bağlı maraqlı kəşf edilib. Alimlər qalaktikanın mərkəzində qeydə alınan güclü qamma-şüalanmanın səbəbini qaranlıq maddə ilə əlaqələndiriblər.

BAKU.WS xəbər verir ki, Physical Review Letters jurnalında dərc olunan araşdırmaya əsasən, qaranlıq maddə Süd Yolunun mərkəzində dairəvi formada deyil, bir qədər yastı və qeyri-bərabər şəkildə paylanıb. Mütəxəssislər bildirirlər ki, bu forma qalaktikanın mərkəzindəki güclü şüalanmanı izah edə bilər.

Tədqiqatçılara görə, nəticələr qaranlıq maddə hissəciklərinin bir-birini məhv etməsi (annihilasiya) nəzəriyyəsini gücləndirir və elm adamlarını kainatın ən böyük sirrlərindən birini anlamağa bir addım da yaxınlaşdırır.