Rusiya təyyarəsi həyəcan siqnalı ilə Misirə məcburi eniş edib

Ruyiyaya, Ural Hava Yollarına məxsus təyyarə həyəcan siqnalı ilə Misirdə məcburi eniş edib.

BAKU.WS "RİA Novosti"yə istinadən xəbər verir ki, təyyarənin Şarm əl-Şeyx hava limanında təcili enişinə səbəb havaya qalxdıqdan sonra mühərrikdə nasazlıq siqnalının işə düşməsi olub.

"Təyyarənin ekipajı uçuş təhlükəsizliyini təmin etmək üçün Misir hava limanına qayıtmağa qərar verib və təhlükəsiz yerə enib", - deyə məlumatda bildirilir.

Onlar dəqiqləşdiriblər ki, şirkət uçuş üçün başqa təyyarə hazırlayıb.

Yanvarın 3-ü cümə günü axşam Şarm əl-Şeyxdən Yekaterinburqa uçan Airbus A-321 təyyarəsi uçuş hava limanında məcburi eniş edib. Təyyarədə 236 sərnişin olub. Heç kim xəsarət almayıb.