Rusiya qayığı Malayziya sahillərində qəzaya uğrayıb

Rusiyanın "Pilqrim" taxta qayığı Malayziya sahillərində dövrə vurarkən qəzaya uğrayıb.

BAKU.WS "RİA Novosti"yə istinadən xəbər verir ki, bu barədə Rusiya səfirliyi məlumat yayıb.

Bildirilib ki, hadisə 20 dekabr 2024-cü ildə Borneo adasının yaxınlığında baş verib.

Diplomatik nümayəndəlik gəminin kapitanı ilə əlaqə saxlayır. Səfirlikdən bildirilib ki, "Pigrim" komandası üç rus və bir Belarus vətəndaşından ibarətdir, onların hamısı sağlamdır və özlərini yaxşı hiss edirlər.

Zədələnmiş gəmi sahilə çıxarılıb. Hadisədən sonra ruslardan biri vətəninə qayıdıb. Qalan üç səyahətçi yanvarın 7-də Rusiya Federasiyasına uçacaq.