Rusiya heyəti sülh danışıqları çərçivəsində 2 iyunda İstanbulda olacaq

Rusiyanın Ukrayna ilə aparılan sülh danışıqlarının ikinci raundu ilə bağlı açıqlaması gəlib. Kreml bildirib ki, "Rusiya heyəti 2 iyun tarixində Ukrayna ilə ikinci tur danışıqlar üçün İstanbulda hazır olacaq".

BAKU.WS xəbər verir ki, Kreml açıqlamasında həmçinin qeyd edib: "Vladimir Putin, Ukrayna və ABŞ liderləri ilə üzbəüz görüş imkanını dəstəkləyir; bu cür təmaslar öncəsi ciddi hazırlıq tələb olunur".

XİN rəhbəri Hakan Fidan: "4 lider İstanbulda görüşə bilər"

Türkiyənin Xarici İşlər naziri Hakan Fidan isə Rusiya-Ukrayna müharibəsinin bitirilməsi istiqamətində aparılan səylərlə bağlı danışıb: "Cənab Ərdoğanın ev sahibliyində Tramp, Putin və Zelenskinin bir araya gəlməsi ilə İstanbulda keçiriləcək görüşlərin nəticə verməsi mümkün ola bilər", – deyə o bildirib.