Rusiya ABŞ-ni Maduronu dərhal azad etməyə çağırıb

Rusiya ABŞ-ni Venesuela Prezidenti Nikolas Maduronu və onun həyat yoldaşını dərhal azad etməyə çağırır.

BAKU.WS xəbər verir ki, bu barədə Rusiyanın BMT-dəki daimi nümayəndəsi Vasili Nebenzya BMT Təhlükəsizlik Şurasının iclasında çıxışı zamanı bildirib.

"Amerika rəhbərliyini müstəqil dövlətin qanuni seçilmiş prezidentini və onun həyat yoldaşını dərhal azad etməyə çağırırıq", - deyə o vurğulayıb.

Rusiyalı diplomatın sözlərinə görə, ABŞ ilə Venesuela arasında mövcud olan bütün ziddiyyətlər yalnız danışıqlar yolu ilə həll edilməlidir.

Yanvarın 5-də CNN telekanalı Venesuela Prezidenti Nikolas Maduronu daşıyan helikopterin Nyu-Yorkdakı Federal Məhkəmə binasına endiyi barədə məlumat yayıb.

Qeyd edək ki, 3 yanvar 2026-cı ildə ABŞ Venesuelaya zərbələr endirib və Prezident Nikolas Maduronu həyat yoldaşı ilə birlikdə saxlayıb. ABŞ-də ölkə liderinin narkokartelin yaradılması ilə bağlı cinayətlərə görə mühakimə olunacağı bildirilir. Hazırda Venesuela Prezidentinin səlahiyyətlərini vitse-prezident Delsi Rodriges icra edir.