Qonşu ölkəyə XƏBƏRDARLIQ - Bu regionlarında 49° dərəcə şaxta gözlənilir

Rusiyanın 3 vilayətində - Ural, Uzaq Şərq və Sibir bölgələrində -33° ilə -49° arasında şaxtaların düşməsi gözlənilir.

BAKU.WS xəbər verir ki, bu barədə Rusiyanın Hidrometeorologiya Mərkəzinin elmi direktoru Roman Vilfand məlumat verib.

Mütəxəssis qeyd edib ki, Yamalo-Nenets Muxtar Dairəsində (YNAO) antisiklonla əlaqədar yanvarın 16-dan 19-na kimi havanın temperaturunun normadan 5-8°C aşağı olacağı gözlənilir. Bu o deməkdir ki, termometr 33-36°-dən aşağı düşə bilər.

Taymirdə daha da soyuq hava gözlənilir: temperatur normadan 11-16° aşağı, 42-49°-yə çatacaq. Krasnoyarsk diyarının şimalında təxminən eyni hava proqnozlaşdırılır - 41-46° şaxta, Yakutiyanın cənubunda, Çukotkada və Maqadan vilayətində - 44-49°-dən aşağı temperatur proqnozlaşdırılır.

"Hətta dör bir yanı dəniz və okean tərəfindən yuyulan Kamçatkada belə hava normadan 5-9 dərəcə aşağı, mənfi 35-39° olacaq", - Vilfand bildirib.