Putin Zelenski ilə görüşmək niyyətini açıqladı

Rusiya Prezidenti Vladimir Putin ABŞ Prezidenti Donald Trampa Ukrayna dövlət başçısı Volodimir Zelenski ilə görüşməyə hazır olduğunu bildirib.

BAKU.WS xəbər verir ki, bu barədə "Agence France-Presse"(AFP) məlumat yayıb.

Bildirilir ki, mövzu liderlər arasında son danışıqlarda gündəmə gəlib.

Putinin köməkçisi Yuri Uşakov daha əvvəl qeyd edib ki, müzakirələr zamanı Moskva və Kiyev nümayəndə heyətlərinin danışıqlarda iştirak səviyyəsinin artırılması məsələsi də diqqət mərkəzində olub.

ABŞ Prezidenti Donald Tramp isə, öz növbəsində, Rusiya və Ukrayna liderləri arasında görüşün keçirilməsi istiqamətində hazırlıq işlərinin aparıldığını təsdiqləyib.