Putin "Oreşnik" üçün növbəti hədəfləri açıqladı

"Oreşnik" raket kompleksi üçün hədəflər arasında Kiyevdə qərar qəbuletmə mərkəzləri ola bilər.

Bunu Rusiya prezidenti Vladimir Putin bildirib.

Bu gün MDB üzv ölkələrinin rəhbərlərinin keçirilən toplantısında çıxış edən Putin, "Oreşnik"in döyüş şəraitində sınaqdan keçirilməsinin məcburi bir addım olduğunu vurğulayıb:

"Biz onu döyüş şəraitində sınaqdan keçirməyə məcbur olduq. Bu, xüsusilə Bryansk və Kursk vilayətlərinə ATACMS və Storm Shadow raketləri ilə endirilən zərbələrə cavab olaraq qaçılmaz idi," - Rusiya lideri izah edib.

Putin həmçinin söyləyib ki, hazırda Baş Qərargah və Müdafiə Nazirliyi Ukrayna ərazisində "Oreşnik"lə zərbə endiriləcək hədəfləri müəyyən edir:

"Bura hərbi obyektlər, müdafiə sənayesi müəssisələri və ya Kiyevdə qərar qəbuletmə mərkəzləri daxil ola bilər. Xüsusilə Kiyev rejimi dəfələrlə Sankt-Peterburq və Moskvadakı dövlət əhəmiyyətli obyektlərə zərbə endirməyə cəhd göstərib".