Putin bir həftə ərzində ikinci dəfə Pezeşkianla telefonla danışıb

Rusiya prezidenti Vladimir Putin bir həftə ərzində ikinci dəfə İran prezidenti Məsud Pezeşkianla telefon danışığı aparıb.

BAKU.WS xəbər verir ki, bu barədə Kremlin mətbuat xidməti məlumat yayıb.

Bildirilir ki, söhbət zamanı iki ölkə lideri Yaxın Şərqdəki vəziyyəti müzakirə etməyə davam ediblər. Xüsusilə ABŞ və İsrailin İrana qarşı hərəkətləri mövzusu diqqət mərkəzində olub.

Kremlin açıqlamasına görə, Putin münaqişənin mümkün qədər tez deeskalasiyasının vacibliyini vurğulayıb. O bildirib ki, Rusiya yaranmış vəziyyətin siyasi və diplomatik yollarla həllinin tərəfdarıdır.

Məsud Pezeşkian isə öz növbəsində Rusiyaya göstərdiyi dəstəyə görə təşəkkür edib. O, xüsusilə İrana təqdim edilən humanitar yardımın əhəmiyyətini qeyd edib.

Qeyd edək ki, Putin və Pezeşkian arasında əvvəlki telefon danışığı martın 6-da, Fars körfəzi ölkələrinin liderləri ilə aparılan danışıqlardan sonra baş tutmuşdu. Martın 9-da isə Putin ABŞ prezidenti Donald Trump ilə telefon danışığı apararaq beynəlxalq vəziyyəti müzakirə edib.

Bundan əvvəl Putin İranın yeni ali rəhbəri Müctəba Xameneiyə ünvanladığı teleqramda Moskvanın Tehran üçün etibarlı tərəfdaş olduğunu bildirib.